Холбогдох мэдээлэл

 “Оюу Толгой” ХХК нь Өмнөговь аймаг болон тус аймгийн Ханбогд сумтай “Хамтын ажиллагааны гэрээ”-г 2015 оны 4 сард байгуулж улмаар уг гэрээг хэрэгжүүлэх гол бүтэц болох “Говийн Оюу Хөгжлийг дэмжих сан” Төрийн бус байгууллагыг холбогдох хууль тогтоомжийн дагуу мөн оныхоо 9 сард байгуулсан болно.

 “Говийн Оюу ХДС” нь Өмнөговь аймгийн тогтвортой хөгжлийг дэмжихэд зориулж “Оюу толгой” ХХК-аас олгох сайн дурын санхүүгийн дэмжлэгийг захиран зарцуулах ба уг санхүүжүүлтээр Өмнөговь аймгийн нийгэм, эдийн засгийн хөгжлийг дэмжихэд чиглэсэн төсөл, хөтөлбөрүүдийг сонгон шалгаруулж санхүүжүүлэх замаар Өмнөговь аймгийн иргэдийн амьжиргаа, орон нутгийн чадавхийг дээшлүүлэхэд хувь нэмэр оруулна.

                “Говийн Оюу ХДС”-ийн Санхүүжилтийн удирдамжид заасны дагуу “Оюу Толгой” ХХК-аас хүлээн авсан санхүүжилтийн тодорхой хувийг “Ирээдүй хойч үеийн сан”-д байршуулах ба уг сангаас Өмнөговь аймгийн ирээдүй хойч үе болсон оюутан залуусыг дэмжиж “Оюутны тэтгэлэгт хөтөлбөр”-ийг зарлаж сургалтын тэтгэлгийг олгоно.

            Уг хөтөлбөрийн хамтран хэрэгжүүлэх  “Хөтөлбөрийг удирдах байгууллага”-ыг сонгон шалгаруулалтанд Өмнөговь аймагт бүртгэлтэй, боловсролын чиглэлээр үйл ажиллагаа явуулдаг төрийн бус байгууллагуудыг оролцохыг урьж байна.

Сонирхож буй байгууллагууд  дараах бичиг баримтыг бүрдүүлж өгнө үү:

• Хамтран ажиллахыг хүссэн албан тоот, байгууллагын танилцуулга
• Улсын бүртгэлийн гэрчилгээний хуулбар
• Татвар, нийгмийн даатгалын тодорхойлолт
• Бусад холбогдох материалууд

Өргөдөл гаргагч нь материалаа 2017 оны  07 дугаар сарын 26-ны өдрийн 17:00 цагаас өмнө доорх хаягаар ирүүлнэ үү.