07 сар
Төсөл хөтөлбөрийн санал хүлээн авна
Говийн Оюу Хөгжлийг дэмжих сан төсөл, хөтөлбөрийн санал хүлээн авна
Говийн Оюу хөгжлийг дэмжих сан 2017 оны сүүлийн хагас жилийн төсөл хөтөлбөрийн саналыг 2017 оны 07 сарын 17-оос 2017 оны 07 сарын 31-ны өдөр хүртэл хүлээн авна.
Төсөл хөтөлбөрийн санаачлагч нь:
Өмнөговь аймгийн бүх шатны нутгийн захирганы байгууллагууд, тус аймагт үйл ажиллагаа явуулдаг төрийн болон төсөвт байгууллага, нийтийн үйлчилгээний байгууллага, төрийн бус байгууллага, аж ахуй нэгж хуулийн этгээд байхаас гадна өөр аймаг хотод үйл ажиллагаа явуулдаг хуулийн этгээд, олон улсын байгууллага зэрэг байж болно.
Харин хувь хүмүүсийн санаачилсан төсөл хөтөлбөрийн саналыг хүлээн авахгүй. Учир нь санхүүжүүлэхээр хүлээн авах төсөл хөтөлбөрийн санал нь аль болох олон хүнд үр өгөөжөө өгөх, орон нутгийн хөгжилд тодорхой хувь нэмэр оруулах, төсөл санаачлагч нь цаашид тогтвортой хэрэгжүүлэх үйл ажиллагааны туршлага, санхүүгийн чадавхитай байх шаардлагатай.
Төсөл хөтөлбөр нь:
- Зөвхөн Өмнөговь аймгийн нутаг дэвсгэрт хэрэгжих
- Ашгийн бус байх
- Өмнөговь аймаг болон холбогдох сумын хөгжлийн хөтөлбөр, төлөвлөгөөтэй уялдсан байх
- Өмнөговь аймаг, тус аймгийн Ханбогд сум, Оюутолгой ХХК-ийн хооронд байгуулсан Хамтын ажиллагааны гэрээний дараах сэдэвчилсэн хавсралтад нийцсэн байна
- Нийгмийн дэд бүтэц,
- Нийгмийн суурь үйлчилгээ /боловсрол, эрүүл мэнд/
- Байгаль орчны хяналт хамгаалалт,
- Уламжлалт мал аж ахуй, бэлчээрийн менежмент,
- Усны менежмент
- Үндэсний түүх соёл, аялал жуулчлал
Төсөл хөтөлбөрийн саналыг 2017 оны 07 сарын 17-оос 2017 оны 07 сарын 31-ны өдрийн 17:00 цаг хүртэл Говийн Оюу хөгжлийг дэмжих сангийн оффист хүлээн авна.
Хаяг: Өмнөговь аймаг, Даланзадгад сум, 3-р баг, Голомт бизнес төв, 404 тоот.
Утас 70533578