06 сар
Хөгжлийн хөтөлбөрүүдийн санхүүжилтийн гэрээнд гарын үсэг зурлаа
Говийн Оюу хөгжлийг дэмжих сангийн Удирдах зөвлөлийн 2017 оны VI тогтоолоор санхүүжүүлэхээр баталсан "Бэлчээр Эрдэнэ", "Эмэгтэйчүүдийн хөдөлмөр эрхлэлтийг дэмжих" хөтөлбөрүүдийн хэрэгжүүлэгч нартай санхүүжилтийн гэрээг байгууллаа.
Өмнөговь аймгийн Хүнс, Хөдөө Аж Ахуйн Газраас санаачилсан "Бэлчээр эрдэнэ" хөтөлбөрийн хүрээнд Өмнөговь аймгийн Ханбогд, Цогт-Овоо, Баян-Овоо, Баяндалай сумдын бэлчээрийн даац, багтаамжыг тодорхойлох, бэлчээрийн хяналт, үнэлгээний бүтэц бий болгож сумын 20 мэргэжилтэнг чадавхжуулах, малчдын бүлгүүдэд бэлчээр ашиглалт, хамгаалалтын арга барилын сургалт явуулах юм.
Өмнөговь аймгийн Хөдөлмөр, халамж үйлчилгээний газраас санаачлан ирүүлсэн Өмнөговь аймагт оршин суугаа ажил хайгчаар бүртгэлтэй амьжиргааны түвшин доогуур, хөдөлмөр эрхэлж амьжиргаагаа дээшлүүлэх сонирхолтой эмэгтэйчүүдийг хамруулан тэднийг шаардлагатай ажлын байрны чиглэлээр бүлэг болгон ажлын байрны тоног төхөөрөмжийн туслалцаа үзүүүлэх, аж ахуй эрхлэх сургалтанд хамруулах юм. Ингэснээр хөдөлмөр эрхлэх сонирхолтой эмэгтэйчүүд ажил мэргэжлийн чиг баримжаа олгох зөвлөх үйлчилгээнд хамрагдан жижиг дунд бизнесийн зөвлөгөө авч борлуулалтын цэгээр дамжуулан үйлдвэрлэсэн бараа бүтээгдээхүүнээ борлуулах боломжтой болох юм.