10 сар
"Говийн Оюу хөгжлийг дэмжих сан"-гийн Удирдах зөвлөлийн хурал боллоо
“Говийн Оюу хөгжлийг дэмжих сан”-ийн Удирдах зөвлөлийн хурал 2017 оны 10 сарын 2-ны өдөр болж өндөрлөлөө. Уг хурлаар сангийн 3-р улирлын тайлан, төсөл хөтөлбөрийн хэрэгжилт болон сангийн үйл ажиллагааны бусад мэдээлэлтэй танилцаж 3-р улиралд хүлээн авч Харилцааны хороогоор эрэмбэлэгдсэн төсөл хөтөлбөрүүдээс дараах төсөл, хөтөлбөрүүдийг санхүүжүүлэхээр батлав. Үүнд:
-Баян-Овоо сумын сургуулийн дотуур байрны зураг төсөл боловсруулах
-Даланзадгад сумын төвийн хэсгийн автозамын гадаргуугийн ус зайлуулах шугам байгуулах
-Ханбогд сумын сургуулийн нийтийн бие засах газар байгуулах
-Ханбогд суманд үерийн далан байгуулах төслийн зураг төсөл боловсруулах
-Мах жижиглэн ангилах, хиамны үйлдвэр байгуулах
-Даланзадгад сумын хог хаягдлын менежментийг боловсронгуй болгох төсөл болон холбогдох барилга байгууламжийн зураг төсөв боловсруулах ажил
-Манлай сумын дунд сургуулийн мэдээлэл технологийн кабинет тохижуулах
-Манлай сумын дунд сургуулийн дизайн технологийн кабинет тохижуулах
-Бүсийн оношилгоо эмчилгээний төвийн эх хүүхдийн эрүүл мэндийн тасгийг багаж тоног төхөөрөмжөөр хангах хөтөлбөр
-Бүсийн оношилгоо эмчилгээний төвийн шүдний кабинет тохижуулах
-Даланзадгадын 4-р дунд сургуулийн аюулгүй хашаа хөтөлбөр
-Ахмад настанд ээлтэй орчин
-Зөвлөх профессорын баг бүрдүүлэн Бүсийн оношилгоо эмчилгээний төвийн эмч нарыг чадавхжуулах хөтөлбөр
-Гашуун сухайт боомтын ундны усыг цэвэршүүлэх байгууламж
-Мандал-Овоо сумын соёлын төвийн Хөдөөгийн соёл-хөгжлийн түүчээ хөтөлбөр
Мөн Өмнөговь аймгийн Засаг Даргын хүсэлтийн дагуу Өмнөговь аймгийн өвөлжилтийн бэлтгэл ажил, өвс тэжээл бэлтгэхэд зориулж 250.0 сая төгрөгийн хандив тусламж үзүүлэхээр шийдвэрлэлээ.